陳庭欣玩人雀戀 「伸脷」錫錫
擁32.5C「蜜桃胸」的陳庭欣（Toby），在新劇《踩過界》扮演跨性別人士。男身女相的她，自言拍攝時穿得很少，為免狂NG亦惟有豁出去！家中飼養三雀的她，更挑戰極限，帶愛雀出遊時，玩「伸脷」錫錫，大晒「人雀戀」。
近日熱播劇《踩過界》中，Toby演跨性別人士，男身女相。為了配合後期製作，Toby拍攝期間都着很少衣服，她直言非常尷尬：「尷尬程度10分有8分，而且現場有好多路人圍住。不過為咗少啲NG，都冇諗咁多，結果出嚟效果好驚訝。」
為好角色放下底線
Toby更指這次拍攝尺度已是其底線：「畫面上其實已經係底線，對自己嚟講都好大挑戰，已盡量投入，希望唔會嚇親屋企人。」但倘若遇上好角色，她亦會把底線拋諸腦後。
Toby坦言即使拍攝多辛苦，每當返屋企見到「小情人」，所有煩惱都一掃而空。自小有養動物的Toby，先後養了兩隻「愛情鳥」，其後又再飼養一隻月輪鳥Shabushabu，而Shabushabu剛剛一歲大。Toby日前更帶同Shabushabu一起遊旺角雀仔街，見吓世面，她們更「伸脷」玩錫錫，大晒「人雀戀」。
擇偶首要愛屋及烏
Toby指Shabushabu是其樹洞，有任何秘密都會跟牠分享，自有了三隻雀仔後，令她更加黐家，所以其擇偶條件是必須愛屋及烏：「當然要鍾意我三隻雀仔啦，起碼要同佢哋相處到，因為佢哋都仲有十幾年命。」
文：黎建桓
攝：吳文聰