馮允謙踩過界殺入幕後

歌手馮允謙（Jay）去年八月與英皇娛樂約滿唱片合約，他希望日後可參與多些幕後工作，並想專注音樂方面：「方向想有少少唔同，依家係自由身歌手，好堅持想做好音樂，暫時想做多啲幕後工作，好似作曲、編曲等。（有冇其他唱片公司搵你？）有傾緊嘅，想搵間合作得最愉快嘅。（點解做幕後？）我都出咗五隻碟，想學多啲了解多啲，之前就係負責唱，但想學吓點樣做音樂。（想拍劇定做音樂？）我又唔會咁確定，但如果有劇拍我都會去做。」而他近日更有份殺入幕後，為歌曲擔任監製，他坦言十分驚喜。