Kasa@E-Kids做爸爸 8磅B女叫Kara

組合E-Kids繼阮民安(Tommy)榮升人父後,另一成員郁禮賢(Kasa)昨日亦宣布做爸爸,他在Facebook公布太太誕下八磅的囡囡,母女平安:「多謝老婆,為我生咗個好可愛嘅BB,我哋一家人要身體健康,開開心心。」他受訪時表示有陪產:「老婆做手術時自己好驚,戥佢痛同驚,見佢震晒,所以大家要錫老婆同孝順媽咪。」他又大讚BB很叻:「一出嚟喊得好大聲,醫生都話佢叻,一出世就擘大眼。」他透露BB暫定叫「Kara」,是他和老婆的英文名組合而成。聲線顯得有點疲累的他坦言前一晚睡不着。