林作不屑狀元揀讀醫 示範破框攻幕前
今屆中學文憑試（DSE）出爐狀元不約而同透露有意選讀醫科，令放棄大律師執業資格的林作忍不住在社交網發文，慨嘆尖子只懂揀做律師或醫生是思想狹隘。他早前就親身示範如何豁出去，跳出律師框框拍廣告冧女。
「十優港姐」麥明詩前男友、牛津大學數學系畢業的前大律師林作，對於今屆DSE狀元均表示有意選讀醫科大嘆可惜，前日更在社交網發文：「讀書最勁嘅人去晒做醫生同律師，非香港之福。但另一方面，只懂得選擇做律師或醫生嘅人，也只係narrow-minded（思想狹隘）嘅讀書機器，難有大成就。期待尖子懂得跳出框框對社會真正做出更大貢獻、發揮更大影響而唔係自慰式（masturbatory）咁埋首喺自己狹窄專業世界嘅一日。」其偉論一出，即引起網民熱烈討論！
否認發文呃Like
昨日林作再度發文補充：「我斗膽講句，如果呢班最叻嘅人走出嚟，幕前又好，政界又好，去影響呢個社會，香港社會係好好多，我係想講香港嘅人力資源配套係錯咗。」並否認自己發文是為呃like。
拍廣告乘機冧女
林作大口氣，連作風亦一向出位，早前就毅然放棄大律師執業資格，轉行踩入娛樂圈。投身藝人行列的他，早前就拿着字典現身終審法院門前拍洗頭水廣告。拍攝當日太陽猛烈，大汗疊細汗的他，全程獲兩位女工作人員照顧，不時為他抹汗及拿風扇仔降溫。而擅長氹女仔的林作與工作人員有講有笑，似乎很享受幕前工作。
文：名人組