千嬅自爆畀親戚「追債」！

歌手楊千嬅昨日出席11月的音樂會記者會時透露，將邀請多位嘉賓參演，歌單則交由主辦單位負責，笑言今次最煩是飛債問題：「嚟緊去上海探親，我老公啲親戚聽到消息都已經問，話知道換飛好難，如果有幾張就好喇！」提到12月亦會在紅館開個唱，兩個演出的日子相近，千嬅說：「咁咪好囉，好似一個序幕咁又再落去。」又自爆早前去首爾及日本旅行時，收到通知指成功申請到紅館檔期，隨即趁減肥前多吃兩碗拉麵：「不過返到嚟唔記得自己有活動，有記者問我係咪有咗！我咁高齡，有咗一定響晒鑼鼓啦！我知我有啲肥，依家努力Keep Fit，又要跑山又要跑數。」