何雁詩手臂繼續唔見光
歌手何雁詩（Stephanie）聯同樂隊ToNick昨日出席活動，自6月時傳因戀情受壓割傷手後，每次現身公開場合她都穿長袖衫疑遮掩傷痕，昨日天氣酷熱，Stephanie卻依然穿上長袖牛仔褸，她笑言：「件衫係用嚟壓住我個胸，因為太勁喇！」
講到周柏豪做了「星夢一哥」，Stephanie說：「好歡迎佢加入，真係冇人知，估佢唔到。」並謂一直想同柏豪合作，之前亦有向他邀歌。問到可擔心男友鄭俊弘地位被搶？她力撐男友說：「唔會，佢喺我心目中地位一樣，其他嘢我唔知。（公司方面？）唔知呀，我諗影響唔到嘅，大家都係做音樂啫。」
