Mr.合體內地掘金

樂隊Mr.、Supper Moment（SM）、Dear Jane及歌手陳慧敏前晚出席音樂會，Dear Jane主音Tim唱到興起時一度自摸，而SM主音Sunny因在台邊跳來跳去更險些叉錯腳。在台上High爆的Mr.年初傳出因成員鬧不和面臨「散Band」，成員Dash說：「我哋一路都合體，之前喺廣州開騷，今年下半年計劃都係做演出多。」近年不停到內地宣傳及做騷的Mr.承認收入夠生活，問到現時是否以內地市場為主？Tom笑說：「香港冇人搵我哋，有人搵我哋做嘢真係唔介意。」而SM透露已入紙申請2018年紅館檔期：「前輩話要靠恒心，今個月第一次入紙，唔批咪下個月再申請過。」