唐貝詩冧井柏然：佢好有型！
近年積極在娛樂圈發展的唐貝詩早前在內地逗留一個月，拍攝兩套內地電影，拍到尾聲時，開始思鄉病發：「我掛住屋企隻貓。」返港後，她出席喜劇老師Dymo的生日派對，順道為同是巨蟹座的自己及同學慶祝生日，問到生日願望？她笑說：「希望大紅大紫！希望拍到一部港產片，飾演主要角色。（生日點慶祝？）未諗，希望工作中度過。」
至於感情生活，問到經常拍內地電影會否有機會跟內地人拍拖？她坦言：「我唔抗拒，好似我男神就係內地演員井柏然，我覺得佢好有型。（你鍾意咩類型男仔？）鍾意啲有內涵嘅人，有深度有文化，反而一啲專業人士，好似律師、醫生之類好少接觸，我比較鍾意同我一樣鍾意藝術或者生意人，因為大家有啲共通點，但愛情嘅嘢好難講。」
