許珮榆直播尋寶三百萬人睇住跌傷

藝人許珮榆（Diva）早前到峇里島參與內地直播網站舉辦的尋寶遊戲節目，比賽期間奮不顧身，不慎傷腳，但「皇天不負瞓身人」，Diva所屬隊伍最終順利得勝，免受大懲罰，Diva說：「今次峇里島之旅都幾難忘，除咗同內地藝人一齊做直播外，大會仲畀咗好多任務我哋，又爬山又入森林去搵寶藏，起初過程都幾順利，一開始就有十幾萬人收睇，點知後來高峰時期，有三百萬人睇，我玩任務時仲『論盡』跌親整親腳，本身諗住十幾萬人睇到我整傷已經算多，依家係三百萬人呀！」