琦琦母女環遊世界長腿Ella潛水睇龜

名模琦琦趁女兒任晴佳（Ella）放暑假，帶女兒環遊世界。已身在夏威夷多天的她們，在當地大玩浮潛，現年12歲的Ella遺傳了媽咪的長腿，非常搶鏡！琦琦在社交網晒相說：「女兒和好朋友潛到海中看海龜和魚，太好玩了。」昨日她透露潛水教練指Ella是一條海豚：「話佢喺水裏面好得心應手。今次有兩個Ella去旅行，另一係囡囡從小到大嘅好姊妹，佢哋一齊潛咗兩日水。（之後會去幾多個城市？）今次買咗環遊世界機票，總共會去11個城市。」而Ella除了看到海龜外，還與八爪魚近距離接觸，教練沿途為她們拍下不少水底靚相。