松岡發誓：唔會拆散人家庭

日模松岡李那昨日由經理人王友良陪同出席時裝活動，被問到為何早前到夏威夷參與安以軒婚禮？松岡解釋是乘坐韓國女友人的私人飛機一同到夏威夷：「朋友叫我去玩，去到先知係婚禮，我唔識一對新人。」現正單身的她表示父母離婚皆因爸爸有外遇：「媽咪自小教我唔好傷害人哋家庭。（唔做第三者？）我唔會去拆散人家庭！」有傳以三百萬任賭廳代言人，她說：「唔係，好驚訝，我都想。」至於擇偶條件必要有錢？她說：「好過冇錢，但唔可以搶人老公，你搶人老公，將來都會被人搶番，我想要個溫馨家庭。」問到夠膽發誓嗎？她舉起兩隻手指說：「我從來冇做過（搶人老公）。」