9‧27再搞港騷Justin開價貴過麥當娜

年僅23歲的加國小天王Justin事隔6年再度來港開騷，將於今年9月27日在亞洲國際博覽館舉行《Bieber Purpose Tour》巡唱，吸金力飆升。他當年開騷推出VIP套票，最貴票價超過1,800港元，今次雖然不設VIP套票，但最貴票價為2,580港元，最便宜的也要近千港元，價錢揮低在樂壇闖蕩多年的58歲天后麥當娜！麥當娜去年來港開騷，最貴門票（非VIP套票）售2,488港元，叫價不及Justin高。

揸咪講笑Dead air

另外，Justin前日在倫敦海德公園為British Summer Time音樂節開騷，雖然不停講笑搞氣氛，惟台下觀眾反應冷淡。他開場時指着台邊的旋轉木馬說笑：「睇落好好玩，不過其實冇人話過囉。」台下一片死寂，Justin於是拍打手上的咪高峰問：「係咪開咗？」再說：「好難搞嘅觀眾。」Justin之後表示自己傷風要塗藥油，卻塞住鼻孔，台下再次一片死寂。Justin心情極差，更公開鬧伴舞員背着他吹水：「無論你哋傾咩都好，都唔會重要得過我講嘅嘢。」令觀眾非常錯愕。

文：外娛組