陳柏宇影相影到躁虛度春宵
歌手陳柏宇（Jason）與符曉薇（Leanne）前晚於九龍灣擺喜宴，散席後受訪時兩人大呻又攰又眼瞓，Jason說：「有一刻我真係諗：又影？不過唔係喎，喜慶日子都係想親朋戚友嚟飲，冇理由唔影，所以堅持，終於捱過晒！」換上深藍Deep V裙的Leanne爆老公發了點脾氣，不想與賓客重複合照。問Jason有否給Leanne驚喜？他笑指捱到最後已是驚喜，而太太多年來已知希望愈大，失望愈大。Leanne則說：「曾幾何時期望過，但原來冇。（有冇人上台唱歌？）冇，我哋太忙，喺台上不停影相。」
關楚耀飲醉冇畀人情
Jason強調在婚宴上滴酒不沾，但因睡眠不足，狀態與喝醉無異，又把頭伏在太太肩膊上撒嬌：「小寶寶我唔可以捱。」問到可有藝人賓客喝醉？他大爆關楚耀醉到忘記給人情。及至凌晨二時，一對新人與朋友到Jason於尖沙咀開的酒吧舉行婚後派對，劈酒近三小時才離開。Jason昨日受訪時笑言仍能步行到所住的酒店：「因為好近，都唔敢話自己飲得。（春宵一刻值千金喎！）冇呀，太攰，涼都冇沖就瞓咗，第朝又趕住退房。（可惜？）唔會，我哋都去夏威夷度蜜月啦。」
Crystal呻Dry
另外，一班2007年出道的歌手趁婚宴敍舊，包括江若琳與男友蕭潤邦、小肥和前組合HotCha成員張紋嘉（Crystal）、黎美言及張惠雅等。曾與Jason傳緋聞的Crystal影大合照時搭着男方膊頭，昨日Crystal在電話中被問到有否感到酸溜溜？她大笑說以為避得過記者：「係有酸溜溜呀，不過唔關Jason事，人哋結婚喇，我連男朋友都冇。」她透露稍後會去美國，想在當地找男朋友。
文：音樂組