《閨蜜睡房》：黃心美磨牙大細面 求醫拆牙骹？

Sweet爆女神黃心美日前以女友Feel家居服亮相東網巨星節目「海馬牌床褥特約」《閨蜜睡房》最新三集。主持活動時談吐大方得體的心美，自爆為照顧三個「生活殘障」的妹妹，被迫成為「魔鬼大家姐」，會發出「最後通牒」叫她們執房，更直指細妹黃心穎最立立亂：「心穎最近去咗橫店拍劇，頭幾日就好爽嘅，工人都話屋企好整齊，但佢走咗幾日就已經覺得屋企太靜，好似爭咗啲嘢咁。」提到司儀工作，心美指最尷尬是習慣出騷前禁食，搞到活動期間突然胃痛。
黃心美晚晚攬住愛犬陪瞓。
黃心美晚晚攬住愛犬陪瞓。

講到鮮為人知的秘密，晚晚有愛犬Bacon、Muffin和Mayo陪瞓的心美自爆有磨牙習慣，搞到右邊牙骹都甩埋兼大細面，更捉住主持的手摸自己面頰：「醫生話如果要Fix，要拆咗個牙骹出嚟再托番上去，就咁聽都好恐怖！」曾離婚的她坦言當時攬住愛犬Bacon喊過無數個夜晚：「記得有晚講到決定要離婚時，心穎從來唔同我孖鋪，但佢嗰晚入咗嚟拖住我隻手瞓，驚我做傻事！」雖然踩完心穎雜物多，但最後都「補飛」讚她窩心到爆，令粉絲透過節目更了解心美的另一面。

黃心美向主持Kiwi大爆閨房事。
  • 黃心美向主持Kiwi大爆閨房事。