江若琳 Oscar拍拖取經
昨晚不少圈中好友出席「陳符聯婚」喜宴，當中更有雙雙對對拍拖到場，包括江若琳（Elanne）和男友蕭潤邦（Oscar）、林奕匡（Phil）與未婚妻Rikko、趙勁皓與女友盧頌之，還有曾傳不和的前女子組合HotCha三女都齊人到賀，同場還有小肥、小塵埃、關楚耀、蔡穎恩、應昌佑、姜麗文和鄧洢玲等。
Elanne和Oscar拖手到場，受訪時，Oscar不時輕摸女友頭髮，問是否來偷師？Oscar即指女友將在九展開騷，是來視察通道，又反問記者新郎陳柏宇可有感動到喊及穿窄身褲，揶揄好友曾有「J神」之名。問到下一個結婚是否兩人？他們同聲謂睇好洪卓立和湯怡，Oscar亦指想過38歲前「做嘢」。問Elanne準備好未？她笑言OK。關楚耀則稱替新人開心，帶了現金人情來，卻忘了帶利是封。
鍾舒漫恨嫁
至於鍾舒漫（Sherman）、森美、組合Super Girls成員Yanny及Jessica等則見證簽字儀式，Sherman笑說：「見住同期出道嘅Jason、周柏豪逐個結婚，好戥佢哋開心，希望Elanne都快啲，仲有阿Ken（洪卓立）佢哋都好穩定，我都祝福埋自己。」剛從巴黎影完婚紗相返港的Phil透露寫了首歌給新人做禮物，談到巴黎之行，他透露登機時始發覺銀包不見了，他說：「好彩護照同銀包分開放，先順利登機咋，原來銀包跌咗喺車度，依家要等人寄番銀包返嚟。」
