無綫藝人陳智燊（Jason）及太太宋熙年（Sarah）去年結婚後經常在網上放閃，更在YouTube開頻道拍片分享Sweet私生活。今年底Jason將踏入四字頭，不少Fans催他早日做爸爸，前日他上載兩夫婦合照，並舉起三隻手指擺出OK手勢，Sarah則匿在他身後遮身材，還叫網友估甚麼意思，不少網友即猜Sarah有咗，並紛紛恭賀！
Sarah昨日接受本報訪問，對於有喜疑雲，她笑說：「唔係呀！網民想像力好豐富！個三字我諗代表OK，話個老婆好OK囉！哈哈！或者佢暗示想買多三隻錶、或者三份禮物畀我？我問陳生呢個手勢咩意思，佢都話唔知！」其後她上載做Gym踢腿短片，似想用行動證明自己未大肚。