王曼喜開群組聽同性戀者傾訴
藝人王敏德長女王曼喜（Kayla）昨日與名模Rosemary出席apm動感Summer Fun活動，同場還有新鴻基地產（中國）董事馮秀炎，Kayla和Rosemary即場施展籃球球技，Rosemary「飛釘」打籃球十分性感。
Kayla在Facebook創立一個名為「Les Baes HK」支持同性戀者的群組，兩年前出櫃的她認為LGBT（女同性戀者（Lesbians）、男同性戀者（Gays）、雙性戀者（Bisexuals）與跨性別者（Transgender）的首字母縮寫）對她來說很貼心：「想香港嘅後生覺得佢哋並唔係孤單，畀個平台佢哋傾訴苦衷，因為大家有同樣經驗，會容易接受同經歷個過程。（有幾多人搵你傾訴？）我覺得要Build up嘅，有好多後生都有搵我傾訴，我幫唔晒咁多人，就開個群組希望大家幫大家，組成一個Community。」
私隱問題突然隱藏
群組暫時有數十人加入，未有圈中人，Kayla希望互相幫助，發放正能量：「想外面嘅人睇到我哋係為咗愛，去愛我哋想愛嘅人，唔想大家用唔好嘅眼光去睇呢樣嘢。」但昨午她突然將該群組隱藏，不作公開，她解釋：「因為私隱問題，變咗私人群組，個group淨係畀啲需要支持嘅女仔，我想保護佢哋，所以要朋友轉介先可以加入。（因為壓力而隱藏？）冇。」又說妹妹王麗嘉兩個星期後回港。至於Rosemary下月會跟老公一起外遊，計劃去希臘、秘魯、峇里島及斐濟一個月，但未計劃生BB。
文：名人組