何佩瑜真槍亂咁指嚇窒教練

藝人何佩瑜、余曉彤及網路紅人達哥(林慧韡),昨日在銅鑼灣出席手機遊戲發布會,何佩瑜為準備開拍的電影《辣警霸王花2》積極操Fit,更學真槍:「都有啲搞笑嘢!我拎起支槍之後,教練同我講嘢,我就連埋支槍轉身應佢,佢好緊張咁叫我放低!」暫時自由身的她透露,年底會選擇新經理人。

至於余曉彤則擘髀大擺功夫甫士,美腿若隱若現,健康性感得來功架十足!