周汶錡細仔百日宴爆大仔認真地搞笑

名模周汶錡(Kathy)昨日為二仔Avner舉行百日宴,以海洋世界為主題,一家四口於布滿藍、白色氣球的台上合照,兩兄弟同一個餅印,超級可愛。出席好友包括有袁詠儀和兒子魔童、上山詩鈉和女兒Hilary、蔡一智夫婦等,Kathy說:「今次只係幾圍,原本諗過遲啲,等埋哥哥2歲生日一齊搞,但媽咪話100日就100日,所以都係分開搞。」她指才剛滿百日的Avner已很有個性:「佢好鍾意乾淨,每逢便便就會大喊,直至換片為止,同埋好鍾意沖涼,沖涼好乖,一上水就喊。」問到兩子的性格是否很不同,她說:「其實依家先睇到哥哥Jacques嘅性格,佢好鍾意整蠱人,會專登叫錯人個名,係好正經咁,好有周星馳影子。」