卸下武裝與王敏奕談情 黃宗澤Hea爆拍拖任街坊圍觀
黃宗澤近日為新劇開工，經常在酷熱天氣下穿上全副武裝，可謂苦不堪言。昨日他難得卸下飛虎造型，可以與王敏奕攤抖吓談情說愛，黃宗澤坦言相比起之前全副武裝拍槍戰和吊威吔戲，今次拍拖戲算是爽到爆！
藝人黃宗澤（Bosco）及王敏奕（Venus）近日為邵氏網劇《飛虎極戰》密密開工，繼日前Bosco在微博上載與Venus全副武裝飛虎Look，與休閒Look「三哥」苗僑偉拍槍戰，昨日Bosco與Venus轉到深水埗，拍攝拍拖行街戲份。雖然天氣熱，不用埋位時要出動「芭蕉扇」，或跳上保母車歎冷氣降溫，但圍觀街坊卻依然興致勃勃，拎出手機「野生捕獲」Bosco與Venus！
放電留畀苗僑偉
Bosco揚言舒服到爆，他說：「深水埗真係人多，但比起前一排日日全副武裝飛虎隊場口，今日談情說愛，簡直天跌落嚟嘅禮物，舒服到爆！呢套雖然係網劇，但電影拍法，我至今開嘅全部真槍，大製作呀！（Venus話你好照顧佢？）佢照顧我就真，我哋演一對，但劇本未睇到話我哋要咀！（會減少放電，免激嬲Venus未來老爺曾志偉？）電乜鬼，放電任務留畀三哥，佢企喺度都chok死人！」
Venus感謝Bosco照顧，她說：「Bosco好照顧我，我冇保母車，佢畀我上佢保母車歎冷氣！呢個係我繼《女人俱樂部》後第二次拍劇，劇組安排好好。不過天氣時晴時雨，仲要着好多好真實嘅裝備，槍又重，由頭笠到落尾，流咗好多汗，係體力上嘅辛苦！」
文：影視組