每年港姐選舉都成為採訪焦點，勇氣可嘉的「酒凹律師」徐天華（Flora Tsui）以27歲之齡，「掹車邊」獲得面試機會，一心圓港姐夢，惟據知她未能進身第二輪港姐複選。Flora昨日受訪時表現堅強：「唔會失望呀！反而想多謝佢哋畀機會我去第一輪面試！（會做番律師？）唔排除嘅，目前休假中！」
至於與Flora是青梅竹馬，更擔任提名人的閻奕格（Janice），一直支持好友圓夢：「要卸下一個受人敬重嘅律師光環係需要好大勇氣，又要面對被人放大檢視生活，相信勇於挑戰嘅Flora係樂於接受。」提到好友未能晉級，閻奕格說：「有跟Flora聯絡過，當然覺得有啲可惜，但佢都冇灰心，話對佢嚟講係一個開始，希望透過今次機會能夠試吓幕前工作。佢對未來抱住正面心態，相信以佢嘅決心，一定會勇於面對各種可能嘅機會。」