趙勁皓健美賽奪冠 連環咀
趙勁皓（King）前日於健美比賽贏得冠軍，問到如何在一眾身形都比完美更完美的精英中脫穎而出？他笑說：「除咗睇大唔大隻，仲會睇外貌、笑容、甫士同埋比例。」King事後拿着獎座與囡囡「錫錫」來個「勝利合照」，笑言得到了最好的父親節禮物！
為了讓King以最好姿態備戰，DaDa除親手炮製愛心低脂低鹽營養餐外，四次比賽都親臨現場為老公打氣，每件事都打點周到，令King大為感動：「之前我哋會一齊起身湊女，但呢個月佢想我瞓耐啲，所以情願唔出聲自己搞掂。佢又會每晚臨瞓前，都幫我執好第二日要用嘅嘢，又喺現場幫我影相同拍片，幫我為出賽過程留個紀錄，真係好多謝佢。」
