黃文意畫功出色靠苦練
無綫「咪神」黃文意（Mandy）從小喜愛畫畫，甚有藝術天分的她更憑自學，由零基礎新手蛻變成大師級，相當厲害！她說：「其實我細細個冇學過畫畫，都係靠自學，仲會每日都練習，加上我太鍾意畫畫，中四時特登轉校主修藝術，所以畫功先有好大進步。（當時成績好好？）都唔差，會考嘅視覺藝術科攞到A，高考就攞到B，又試過代表學校做全港校園藝術大使。」
Mandy續指畫作的靈感來自日常生活，亦會不時看畫展吸收靈感：「我好鍾意畫人，平時出街都會留意身邊嘅人，將佢哋畫落我嘅作品度，同埋我都好鍾意運用唔同嘅顏色，所以作品多數會好色彩鮮艷。」
