夏雨葡萄囝囝桃花旺
夏雨與兒子黃奕晨昨日出席活動，對於兒子前日生日，夏雨笑指沒表示，黃奕晨卻說：「父母話我生日應該同佢哋慶祝，以往喺溫哥華真係每年都咁做，返香港後忙啲都預備咗份禮物畀Daddy，同佢慶祝埋父親節。」
問夏雨是否想兒子帶女友給他過目？他說：「佢都帶過好多個女友嚟，平時嚟坐有乜所謂。」更直言羨慕兒子：「我想帶都冇。（有冇見過個仔嘅緋聞女友Super Girls成員Cheronna？）唔知邊個，咁大個仔識處理感情事，只要唔吸毒我唔擔心。」而黃奕晨再次澄清Cheronna並非第三者：「咁講對佢唔公平，我係單身後先識佢。（發展中？）了解吓，佢係好女仔，活潑同鍾意笑。（係你杯茶？）算係，有冇機會發展就拭目以待啦！」