林秀怡自爆有拖拍

藝人林秀怡昨日出席《上水廣場 X Jonathan Li「星級美妝教室」》活動，近乎素顏上陣的她即場示範多款妝容。心情大靚的秀怡春風滿面，原來她近日有拖拍！秀怡自爆男友是從事幕後的公司同事，直言雙方一拍即合，又大讚對方是暖男：「希望我哋可以行得遠，我哋年紀差唔多，佢可愛又細心，係個暖男。」
秀怡有新戀情，難怪笑靨如花。
秀怡有新戀情，難怪笑靨如花。

蜜運中的秀怡笑言不擅化妝，自嘲入行以來都化同一個妝：「我唔識點變妝。（素顏上陣？）平時開工都成日化妝，冇時間就唔化。（自覺素顏OK？）見仁見智，哈哈！」她又透露日前受濕疹困擾，故目前要戒口：「當時成塊右邊面都有濕疹，但又要keep住開工。所以急急腳睇西醫，要戒食辣嘢。我嚟緊會拍《再創世紀》演千金小姐，會努力準備。」

Jonathan Li為秀怡換上多款妝容。
  • Jonathan Li為秀怡換上多款妝容。