高海寧跣低爆金句：打底唔係畀人睇
高海寧及張曦雯等昨日為big big channel宣傳，以短裙上陣的高海寧在雨中跳舞時不慎跣低，幸無大礙，她直言不怕擦傷只怕走光：「走光畀人影低，唔靚吖嘛！」問到有否打底時，她更爆金句：「打底褲係用嚟打底，唔係畀人睇o架嘛！」
藝人高海寧、張曦雯、陳凱琳及劉穎鏇昨日於尖沙咀，為無綫的網上平台big big channel舉行宣傳活動，四人齊齊與吉祥物大明猩跳舞，惟活動進行期間一直下雨，高海寧跳舞時不慎滑倒，跣低後只懂傻笑，由張曦雯扶起後立即起身繼續跳。
介紹美食兼教減肥
高海寧受訪時笑言因太興奮而滑倒：「開心得滯，諗住行到就OK，所以放低戒心，係有啲狼狽！」她直言怕走光多過受傷：「跌親都唔係怕擦傷，係怕走光，驚走光畀人影低，唔靚吖嘛！（有打底？）有，但打底褲係用嚟打底，唔係畀人睇o架嘛！」她又指打算在big big channel中介紹本地小店美食，又可以教做運動減肥，至於可會教跳她的招牌肚皮舞？她說：「我都係學咗幾堂，因為可以Keep fit，條腰都幼啲。」當被問可會在平台上談私事？她笑說：「咁行街、見朋友都好平常，每個人都有工作，咁飯都要食嘅！」
張曦雯拒性感打機
張曦雯則表示會在big big channel中教打機，談到曾在直播打機中爆粗，她笑言爸爸叫她不要講F字粗口，不過打機時會流露真性情，被問可會擔心在big big channel中爆粗？她說：「公司話自然啲就得。（忍住唔講？）我唔係故意，都同公司講聲可能會唔小心講咗。」談到不時在網上貼性感照片，她笑言不會以性感打扮打機：「打機激動起上嚟動作會大啲！」
文：影視組