周柏豪滯留機場 似湯漢斯

周柏豪與衛詩雅前晚為宣傳英皇電影《原諒他77次》從香港出發到上海出席電影節，卻遇天氣惡劣滯留機場。他們乘坐的航班因紅雨和雷暴警告而延誤超過五小時，雖然之後獲安排登機，等兩小時仍未起飛，航班最後被取消。由於機場酒店爆滿，兩人被迫在機場逗留一晚。但兩人心情並未受影響，柏豪笑稱在機場狂食四餐：「其實航空公司都唔想發生呢啲事，第一次喺機場瞓，好似湯漢斯齣電影《機場客運站》咁，幾有趣。」衛詩雅則正面地指經歷有助將來演戲。