陳敏之字字溫馨 畀足老公100分
藝人陳敏之和鍾嘉欣均誕下BB加入靚媽行列，今日父親節她倆分別讚老公體貼，又幫手湊BB，絕對是好爸爸！去年底誕下囝囝「冬至」的敏之，因復出拍劇，照顧囝囝的重任由老公雷偉信（William）負責，敏之藉父親節執筆寫了一封給老公的信，讚他是100分的稱職老公兼父親：「今年是我和BB跟你一起過的第一個父親節，相信一家是最難忘的！謝謝你對我們的愛，給BB無微不至的照顧！We Love You！」
敏之受訪時表示今日要開工，已提前食飯慶祝，她給予William當父親極高評價：「簡直100分，生咗『冬至』後，更加睇到佢嘅愛好勁！老公負責守夜更，主要係餵奶同換片，估唔到原來咁稱職！」至於鍾嘉欣則上載了一幅樹畫來讚揚老公Jeremy似超人，寫道：「老公係好老公、好爸爸，好似超人，係家中嘅大樹，為屋企遮風擋雨。」
