丁子高暴雨圍困 等到生鬚

楊千嬅老公丁子高前日在澳門工作，趕回香港機場飛上海，下午四時他已到機場等待乘搭七時的航班，未料等足十小時還未能起飛！他於社交網自娛上載滿臉鬚根的照片，留言說：「等到鬚根都出晒都仲未起飛。」至凌晨二時，他再留言：「上機之後個半小時，機師最後通知大家本航班現在取消！」還形容十個鐘頭的時間完全是一場夢。

行李仍留香港

丁子高接受電話訪問時表示，慶幸有同事已在上海，活動不會受影響，昨日他趕早機飛上海，可是人抵上海行李仍留在港，認真禍不單行！

為了工作，丁子高要在上海逗留多日，未能趕回港與囝囝一齊慶祝父親節，談到如何教導5歲的兒子丁進諾（Torres），他說：「做爸爸身份五年，第一年嘅感覺強啲，之後就係去學點樣做爸爸，我哋係一齊成長，做父母要學習點樣同仔女溝通，有時大人唔一定啱晒，教仔時都會啟發到自己。」

鬚根都出晒！	丁子高（左二）遇紅雨在機場呆等，與友人拍照自娛。	丁子高、楊千嬅兩公婆教仔，一個紅面一個白面。

千嬅扮演慈母

丁子高坦言在家是嚴父，太太楊千嬅是慈母角色：「基本上我唔使出聲，一個眼神佢已經驚，媽咪始終容易心軟，小朋友係識分o架，所以就算千嬅惡佢都唔會驚！」他與兒子相處就像朋友，傾偈、講道理、獎罰分明，公平對待！

不少家長為了孩子將來，變成「怪獸家長」，丁子高說：「喺香港的確好難唔怪獸，但我係個唔合格嘅怪獸家長，我會畀個仔有自主權，作為爸爸，係幫助佢實現夢想，例如佢18歲時同我講想做嘢唔讀書的話，若果佢嘅理由說服到我，會畀佢試，唔會堅持完成大學先做嘢。」

文：名人組