陳凱琳 劉穎鏇同老竇Friend過打Band
同是港姐出身的陳凱琳（Grace）和劉穎鏇（Tiffany）與父親關係儼如朋友一樣，今日父親節，她們當然會乖乖跟父親慶祝。其中Grace更秘密地為父親預先訂了一個「至like口味」的蛋糕，相當孝順，她說：「我同爸爸嘅關係好似朋友咁，有時唔開心佢都會同我散心，同我食我鍾意嘅嘢，令我開心番，我哋成日都會一家人約出去食飯，就算斬舊叉燒返屋企簡單食餐飯都係開心嘅！」現時Grace賺到錢，更請父母到峇里旅行，她說：「爸爸叫我唔好嘥錢買嘢畀佢，要自己儲番個錢！」
至於在美國出世的應屆港姐亞軍劉穎鏇（Tiffany），自小愛打籃球的她坦言父親寧願減少工作都到場支持她，令她很感動和難忘，她說：「我五、六歲開始打籃球，媽咪好支持我，但爹哋工作忙冇時間。不過，喺我14歲讀high school時，不論練波或比賽，爹哋都會到場打氣，我覺得係好大嘅轉變，令我印象好深刻。」
