朱晨麗代傅出征搵命博

無綫新劇《特技人》演員譚俊彥、關楚耀、朱晨麗、傅嘉莉、胡諾言、沈卓盈、楊玉梅、朱敏瀚、林師傑及歐陽巧瑩等，昨日在將軍澳電視城為劇集試造型，傅嘉莉穿上露臍裝，大晒小蠻腰，搶去女主角朱晨麗的風頭。不過，劇中朱晨麗卻搏到盡，危險特技動作均親身上陣。

譚俊彥為新劇學車

朱晨麗與譚俊彥在劇中齊齊飾演特技人，戲中不少危險鏡頭都要親身上陣，朱晨麗近日為此「舉鐵」健身操弗：「劇中我係做傅嘉莉嘅替身，戲中好多危險鏡頭，好似跳樓、飛車、爆玻璃等。（驚唔驚危險？）唔驚，我有買保險，同埋公司都會睇住我哋嘅人身安全。」譚俊彥則要為新劇考電單車牌，因劇中有不少飛車場面，他指新劇除了拍攝特技人動態的一面，還想帶出幕後的感人故事：「同朱晨麗條線有少少煽情，有啲似《阿郎的故事》，因為講我由細湊到佢大，反而我想做好啲感情線，希望帶到啲真感情畀大家睇。」

傅嘉莉晒纖腰，輕易搶鏡。	一眾演員齊為新劇《特技人》試造型。	首次拍無綫劇的關楚耀相當興奮。

關楚耀預咗冇得瞓

歌手關楚耀首次拍無綫劇，心情興奮可望過足戲癮，亦預算冇覺好瞓：「都有人講拍劇好辛苦，問我頂唔頂得順o架，唔拍唔知身體好，都預咗要瞓少啲。」他又指拍劇期間還要錄音推出新歌，亦要為電影宣傳，忙個不停。

文：影視組