唐詩詠無懼息魔吼細單位
憑無綫劇《不懂撒嬌的女人》人氣急升的唐詩詠，近日頻頻出活動，帶挈荷包急脹，豬籠入水的詩詠無懼樓市高企及加息風險，計劃年底買樓做業主，更獲阿Bob（林盛斌）教路專攻細單位！
藝人唐詩詠、岑日珈（Angie）、蕊蕊、鄧伊玲、蔡雪瑩及張紫櫻等昨日出席眼鏡連鎖店活動，詩詠大騷香肩，心情極靚，提到她最近頻頻接Job豬籠入水？她說：「係呀，係『撒嬌效應』（無綫劇《不懂撒嬌的女人》）。（係咪會拍前傳定續集？）睇反應，Facebook好多人講啲劇情同故事發展，有同監製傾，都大機會。」
Bob教路量力而為
提到「撒嬌效應」是否帶挈狂賺七位數？詩詠笑言距離買樓目標近一大步，希望年底或明年初入市，她說：「阿Bob教我唔好買太大，輕鬆啲，一房一廳，沙田細單位，第一次買樓唔好負擔大，會買畀爸爸住先，睇佢肯唔肯同我一齊住啦！（咁要買大啲？）睇時機，能力範圍內啦！」
岑日珈自認傳統
至於Angie日前被影到大肚Look在醫院睇婦產科，她強調只是做婦科檢查，加上肥了，現時體重128磅：「梗係唔係大肚啦！我係好傳統嘅女仔，結咗婚先可以生BB，我去醫院係做婦科檢查，自己都唔係細，我每年都有去做檢查。」並說怕太肥會嚇走追求者及工作，自嘲「脹爆丸」再度發育，每個部分都有膨脹感覺。
文：名人組