李家鼎李泳漢父子兩心知
童星出身的李泳漢自細面對父母分離，明白單親家庭對小朋友影響深遠，去年成為人父的他又指兒子出世令他與父親李家鼎的關係踏入新里程碑。他表示從來沒有如外間所傳嬲爸爸，自己成為人父後亦更理解爸爸的想法。
娛圈孖仔李泳漢及李泳豪，日前為爸爸李家鼎提早慶祝父親節，泳漢帶同太太Conny及一歲兒子Alfie亮相，李家鼎抱住孫仔笑到四萬咁口，三代同堂樂也融融！李家鼎向來對兒子管教甚嚴，泳漢印象最深刻是一家人的食飯規矩，一定要等爺爺先坐下，其他人才敢坐；泳豪則指爸爸要他壓腿鬆筋打好基本功，對他長大後學打拳及玩飄移都有幫助。
冇嬲過爸爸
李家鼎與施明早年離婚，泳漢與泳豪隨媽媽生活，泳豪與爸爸因為有共同興趣而較親近，直認爸爸比較疼錫他。兩兄弟在單親家庭成長，問到對婚姻的看法？泳漢說：「父母分開，我覺得一個女人帶住兩個仔好慘，好多人蝦佢，所以我覺得有小朋友就唔好離婚！」他以「微妙」來形容父子關係：「一家人，打斷骨頭連着筋，我冇嬲過爸爸！爸爸錫細佬多啲，好細個嘅時候呷過醋，不過佢哋都係鍾意功夫，係夾啲！」初為人父的他指寶貝仔令他與李家鼎的關係踏入新里程碑，學會互相體諒了解。泳豪亦表示父母離婚時處理得很好，沒有影響他對婚姻的看法。
心意遠勝一切
李家鼎表示一生中最自豪就是教出兩個乖仔，不望兒子發達，只求他們三餐溫飽、有美好家庭：「泳漢生個孫畀我Happy、泳豪教飄移，咁仲想點？唔係仔女有錢養你就好，多少唔緊要，係一份心意！」
文：影視組