祖兒37歲生日絕不搞嘢！

容祖兒前晚在香港仔的珍寶海鮮舫為代言的百老匯廣告取景，因周五（16日）是祖兒生日，有份參與拍攝的祖兒「忠粉」林奕匡（Phil），專登送上幾籠壽包預祝偶像生辰，祖兒搞鬼地拿着小壽包笑說：「壽包咁細嘅，大過你對眼少少咋。」其後祖兒移師海鮮舫外拍照，雖然男友劉浩龍不在，但祖兒卻對「龍」情有獨鍾，與門外的「巨龍」合照，真係與龍有緣。

未收禮物怨氣大？

問到祖兒在男友浩龍心目中可是Queen？祖兒笑說：「係Cream！」即是黏住男友？祖兒甜絲絲說：「唔講呢啲呀，你哋唔骨痹，我都覺得肉麻。」至於收到男友生日禮物沒有？祖兒直言：「冇！冇囉……（好大怨氣？）冇呀！（女人話冇即係有？）真係冇！（如果男友真係唔送會點？）冇乜點喎，我都經常唔送畀佢。（所以佢就唔送？）唔知道呢。」提到慶生活動，祖兒即叫大家信她一次，今年生日不會大搞：「今年主題就係『唔搞』。」

劉浩龍	林奕匡被祖兒取笑，眼睛比壽包還要小。

廣告原定前兩天開工，但因8號風球而延遲，令兩日的拍攝要在一天內完成，祖兒稱雖然有部分外景未能拍到，但無損廣告的趣味性，因今次廣告有不少KOL參與，更請來江華扮演皇帝，上演一幕「King與Queen」。

林奕匡拍片祝壽

此外，祖兒更踢爆「忠粉」林奕匡見到她即按捺不住，率先播放與組合Super Girls的Aka為她炮製的短片作為生日禮物，祖兒笑說：「佢哋叫咗唔同地方嘅朋友唱生日歌，然後再剪輯好，真係好有心思。」

文：音樂組

攝：張福宏