佘詩曼曳曳唔覆診
藝人佘詩曼、周家蔚、湯盈盈和梁靖琪等前晚出席陳嘉上執導的電影《蕩寇風雲》首映。對於早前左眼受傷，阿佘表示已康復，但近期太忙沒遵從醫生吩咐覆診：「我準備去檳城拍邱禮濤新戲，今次會同吳鎮宇、張智霖再合作，我做新聞記者。」談到早前玩直播時透露獲悉一個秘密，惹來外間揣測謝天華太太懷第二胎，問阿佘是否玩踢爆？她笑謂：「我冇，係佢哋（指雜誌）作到咁大，冇BB！唔關我事。」
C AllStar成員陳健安（On仔）和吳崇銘（King）亦有出席，On仔被指與成員梁釗峰不和，他表示已在社交平台回應，並將四子電話群組對話公開：「當食花生，仲問釗峰對天下第一關稱呼有乜感覺。（你哋平時唔講嘢？）睇上去似唔講嘢，其實七年來有晒默契，好似老夫老妻咁唔使日日講。」
