Oscar愛的紋身「E」招冧爆江若琳

「生煎包王」蕭潤邦(Oscar)和江若琳(Elanne)自拍拖後不時網上「放閃」,日前兩人跟趙學而等好友開船P,見穿上大露背泳裝的Elanne和Oscar全程黐到實,半裸Oscar更親手炮製包點餵飽女友。兩人的甜蜜事更陸續有來,近日在網上流傳一輯Oscar為新店拍攝的宣傳花絮照,相中見他左手手腕出現一個「E」字的「愛的紋身」,字母頂還有小皇冠,擺明向視為女王的Elanne公開示愛。

昨日Oscar接受電話訪問時以「怕肉麻」為由不願多談,經追問下才說:「我有個朋友係紋身師傅,如果呢一刻要紋一個字,就一定係『E』囉!(點解紋身彩色咁繽紛?)我想講自從同Elanne一齊後,我生活變得好燦爛。」

「我哋係風雨同路!」

昨日懸掛8號風球,問到可影響今日其大埔分店正式開業?Oscar語氣堅定說:「擇好吉時、吉日,一切準備就緒,一定風雨不改照開張。」唯一令他擔心是請了一班圈中好友如洪卓立、鍾舒漫、陳柏宇、何遠東及剛坐月完的謝安琪(Kay)前來試食,但如天氣太差,又考慮到店舖地點較偏遠,他或會主動叫朋友不要來:「唔想佢哋咁辛苦,尤其多謝Kay兩公婆,我每間舖開張都會嚟支持我。(江若琳會唔會嚟?)我叫佢唔好嚟,佢都會嚟,我哋係風雨同路。」他又指新店試業期間曾遇「大麻煩」,要被迫停業一天:「飲食業啲師傅惡過老闆,有位師傅突然失蹤三日影響咗食物水準,我知呢個唔係藉口,所以望食客畀多次機會我改進。」