英國肥仔名嘴James Corden在美國主持的人氣清談節目《The Late Late Show》最近移師家鄉英國做節目，James找來兩名巨星級好友萬人迷碧咸（David Beckham）及荷里活男神湯告魯斯（Tom Cruise）亮相，咸爺更化身007占士邦演趣劇！
趣劇講James和碧咸試鏡演占士邦，結果碧咸獲取錄，James只好反串扮邦女郎！兩人更跟足邦片情節在賭枱上賭錢，枱上放了杯占士邦最愛的Dry Martini，真係惡搞到底！片末更有「彩蛋」咸爺扮蝙蝠俠，James就做副手羅賓。
除了惡搞占士邦片外，James亦惡搞埋靚佬湯的經典片《壯志凌雲》（Top Gun），預先安排一艘名為「Tom's Cruise」郵輪給靚佬湯驚喜，之後兩人穿上《壯》片的軍Look大唱片中金曲！