楊明置業夢愈走愈遠：人工追唔上
藝人楊明及傅嘉莉昨午到九龍灣，為建造業議會拍攝宣傳短片。劇情交代楊明向傅嘉莉「獻媚」，主動幫其香閨髹油，而現實生活與女友莊思明愛得與膠似漆的楊明，早前被拍得拍拖睇樓，不過置業卻只聞樓梯響。他直言樓價颷升，自己的置業大計似乎愈跑愈遠：「（結婚或置業）都會通知大家嘅，人工追唔上樓價。（仲未睇啱？）未。（差幾多首期？）天文數字。」
介紹女友畀傅嘉莉
記者笑言楊明應向早前指自己「3次買賣物業都有錢賺」的傅嘉莉請教，傅嘉莉卻支吾以對，事後才答：「之前都係樓換樓咋，其實依家要上番車真係好難。我反而想問楊明點識個咁好嘅女友囉。」想不到楊明搞笑說：「你想識女友？介紹幾個畀你嘞！」
髹油唔易要搵專人
問到楊明日後會否考慮「親自落場」，設計及粉飾愛巢？他表示試過自己髹油：「全間屋髹一層都搞足一日，唔係咁易o架，所以辛苦錢係要畀人賺。」他又指近日女友忙於錄歌，自己只能精神上支持及打氣。
文：影視組