周柏豪生仔拖字訣
歌手周柏豪昨日為咖啡店為概念的彩妝pop-up store當一日店長，平日甚少喝咖啡的他，年紀漸長開始懂欣賞以前不喜歡的食物或飲品，例如咖啡、苦瓜及芫茜：「之前拍《使徒行者2》，陳豪帶咖啡豆，黃翠如沖我嘅人生第一杯咖啡，真係幾正。」問到入行前有否做過服務性行業？他表示以前做過救生員、教小朋友游水及彈鋼琴，他自言喜歡小朋友：「有時家長搞唔掂個小朋友，我都搞得掂，因為我了解佢哋性格，識得同佢哋溝通。」問柏豪可有生仔計劃？他自言暫未有：「好多嘢怕，啲劇又上，又要出碟同做巡唱，人生大事要從詳計議。（太太等唔等到？）佢等咗十幾年。（唔怕大年紀生？）睇緣分！唔係想要就有。（會唔會暗地裏有咗？）我都想，唔使搞咁多嘢突然有咗。」
