陳瑞瑩果汁減肥Fit爆打頭陣

Helena示範多套超性感內衣。

前晚陳瑞瑩（Helena）及外籍模特兒Lea T.一同為內衣品牌走秀，二人打頭陣出場。Helena透露為了是次演出，特別喝CATCH Juicery的有機冷壓果汁一個月減肥，望以最佳狀態上陣。現場所見，其身形相當fit，演繹多套性感內衣甚有睇頭，但在示範其中一套內衣時，由於她沒貼乳貼，加上可能走動時動作大，故不慎露乳暈，她完全沒有受影響，繼續淡定走秀，表現專業！談及為了行騷減肥，她說：「平時做完運動都好鍾意飲CATCH Juicery果汁，健康又好味。（好耐冇行騷？）唔係好耐，但今次打頭陣，加上着內衣好性感又高貴，所以好緊張，已經減肥一個月，所以完騷要食餐豐富嘅晚餐慶祝。」她又指今年工作很忙，故暑假與男友去泰國旅行充電！

Lea T.自爆新戀情

而Lea亦表示為身形更顯完美，綵排前特意做運動訓練。她又自爆近日有新戀情，二人拍拖十個月很甜蜜：「任何一段關係啱啱開始都肯定好甜蜜，又唔會嗌交。（點keep住成日甜蜜？）製造多啲浪漫，我哋成日郊外野餐。」問到男友會否介意她穿着性感行騷？她笑說：「佢話如果見我太性感，會用毛巾遮住我。」

Lea T.（左）與一眾模特兒為內衣品牌行騷。	Helena大讚飲CATCH Juicery果汁減肥，健康又好味。	張名雅

同場的前港姐張名雅剛透露剛放完產假準備復工，記者指她成功收身？她說：「其實我大肚嗰陣都唔係肥咗好多，依家仲餵緊人奶，餵人奶好辛苦冇得瞓，如果離開佢一日，就會泵定人奶，平時埋身餵，依家我喺屋企一係黐住BB或黐住個泵！」她指囝囝是大碼B，醫生表示一百個同齡BB之中囝囝排行第九十七位重，認真厲害！

文：名人組