Gin Lee激罕露半球被側田封偶像派

歌手李幸倪與側田前晚假會展舉行演唱會，獲方力申、單立文與太太胡蓓蔚、組合C AllStar的釗峰及On仔等到場支持。一開場，兩人拖手合唱《月球下的人》及《KONG》，然後再輪流獨唱，Gin Lee罕有着上黑色大Deep V裝現身，非常性感！而側田唱到《幸福止痛》時，突然感觸落淚！

期望再合作

之後Gin Lee與彈結他的側田合唱《Moon River》後，兩人終於開口說話，側田向觀眾致歉說：「Sorry，頭先有度我啲眼淚控制唔住，因為第一次Live唱新歌，仲要喺咁多人面前，好Touching！好開心你哋同我度過呢個第一次，我會永遠記得！」又指很榮幸與Gin Lee合作，覺得對方的聲音很舒服，Gin Lee亦指希望有更多機會合作。

可以更性感

受訪時，講到Gin Lee在獨唱環節才穿超低胸裝，問到是否怕被側田睇蝕？她笑說：「唔係，咁啱啫，天氣熱嘛！」側田亦搞笑說：「係囉，點解(口既)？」他亦笑言如果看見Gin Lee穿Deep V，可能會彈不到結他，又讚對方變成偶像派。Gin Lee即說：「就算係偶像派，都係優質偶像派，有實力(口既)！」

Gin Lee與側田「聲聲」相惜，希望再有機會合作。	側田唱到要除帽抹汗。	側田與火辣女舞蹈員演出，分外醒神！

而Gin Lee的父母亦特意由馬來西亞來港捧場，她笑言父母應被她的性感打扮嚇親：「我尋晚試咗件衫之後冇同佢哋講，諗住畀個Surprise佢哋，陣間問吓佢哋有冇暈！因為我係第一次喺佢哋面前着咁少布，都係第一次表演着到咁。」更指若表演需要，可以穿得更性感。

文：音樂組

攝：司徒國榮