Gaile宣布拉埋天窗，其經理人Kim表示結婚是好事，戥對方開心，對於婚事消息，她說：「知知哋，結婚係兩個人事，兩個人決定，之前見過Ian，佢好handsome同gentlemen，廣東話同英文都識，好襯。（8月出席Gaile婚禮？）未知，睇吓工作安排，時間許可一定會出席。」對於旗下藝人模特兒輪住嫁，Baby、熊黛林、曾咏，如今輪到Gaile，問到可以招攬恨嫁的人加入旗下？她笑說：「喜事一單連一單，真係旺桃花！前日我公司的孫婷（模特兒）都結咗婚。」
而名模級的周汶錡和馬詩慧均給Gaile送上恭喜，周汶錡稱Gaile跟她妹妹周麗淇同期出道，問到會否傳授生仔秘方給對方？她笑言最緊要開心就得。馬詩慧則認為女仔都想搵人錫和照顧，祝對方幸福快樂：「以前我實會鼓勵佢快啲生仔，但依家社會唔同咗，小朋友同家長喺讀書同生活上都好辛苦，兩個人鍾意一齊就得，生唔生冇所謂。」
另外，歌手JW（王灝兒）於2010年簽約黎明所屬的AMusic，樂基兒以「老闆娘」身份為AMusic旗下女藝人度身打造形象，曾獲Gaile落手落腳搞形象的JW得悉前老闆娘再婚感高興，她開心說：「恭喜佢，希望佢開心、快樂。」問到是否有聯絡？JW說：「我哋同一髮型屋，有時撞到會傾幾句。」