得唔到認同劉浩龍爆喊嗌封咪
歌手出身的劉浩龍在電台訪問中坦承曾對歌唱事業感到灰心，他眼濕濕憶述去年在馬來西亞拍戲時，有感歌唱事業得不到認同感：「有日喺酒店房打電話畀經理人，同佢講決定以後都唔唱歌喇！我淨係想拍戲，覺得好唔舒服，當我收線後就喊到死，感覺好似同一個拍咗好多年拖嘅女友分手。」當然封咪只是一剎那感受，今年年底他將舉行演唱會。
節目亦邀其好友周國賢做嘉賓，周國賢大爆嘗過容祖兒煮的公仔麵，浩龍笑指女友是公仔麵達人，更坦言與祖兒一段戀情改變了他：「要多謝佢，拍拖係要互相影響，正如佢話我沉實咗好多，大家又會指出對方唔好嘅地方。」同樣他覺得祖兒也改變了：「我覺得佢開心咗，識得享受生活，以前佢掛住做嘢，會唔記得食飯。」