唐寧的分居丈夫鄧偉傑活躍於舞台劇界，有指電影《29+1》導演彭秀慧是其前度。彭秀慧對於二人分訊顯得相當避忌，接受電話訪問時說：「呢啲係人哋嘅事，應該有好多事要處理。」而昨日她出席活動時更拒絕受訪，活動完結時，現場更有保安阻止記者上前。
另外，鄧偉傑早前為舞台劇《我和春天有個約會》擔任導演，與演員萬綺雯、楊怡及黎燕珊等展開內地巡演之旅。黎燕珊對於鄧偉傑婚變，表示惋惜：「聽到個咁唔好嘅消息。」她指鄧偉傑的工作態度認真，甚少講家事，同時是位好好父親：「去到全國巡演廣州站，鄧生帶埋一對仔女同埋鄧媽媽喺身邊，趁有一日假期仲帶仔女去主題公園玩，當時我有問小朋友『媽咪喺邊？』鄧生都冇透露。（有指鄧偉傑因分訊影響工作情緒？）冇，完全冇，所以我哋一啲都唔知發生咗事。自己都係過來人，希望雙方會以小朋友行先，唔好影響佢哋成長。」