Ana R.囡囡大晒老公冇碇企

近年不少名模陸續結婚生子，包括周汶錡、Jessica C.及貝安琪等。其中Ana R.於2013年下嫁英籍丈夫Brad，2015年11月誕下女兒Maya。轉眼Maya已18個月大，趁着夏天來臨，Ana特別買了迷你青蛙水池，放在家中天台，讓Maya在炎炎夏日參加下水禮。

唔食奶擔心到喊

Ana表示女兒獨立好動，經常周圍走，令她24小時都十分忙碌，加上家中還有三隻愛犬要照顧，幸好Maya與狗狗相處融洽。對於自己跟同期model都榮升人母，Ana說：「我哋大家都踏入人生另一個階段，做媽咪好辛苦，我犧牲咗好多私人時間，但我好enjoy。」Ana憶述女兒剛出世時因為不吃奶而令她擔心不已：「因為佢唔識吸啜人奶，我當時好唔開心，唔知點解個女唔肯食，心情好低落，成日喊，老公都問我做乜事。好在後來我泵落奶樽佢就肯食，依家佢同我哋食嘅嘢一樣，佢好鍾意食菜，唔鍾意食零食，好多家長朋友都話我好彩。」

Maya同狗狗好老友，令Ana放心不少。	Ana笑指老公不想女兒行性感，故應不會讓她做模特兒。	自從Maya出生，丈夫Brad在Ana心中的地位就被女兒取代。

目標生多一個

Ana坦言是緊張媽媽，但拒絕做怪獸家長，會讓Maya做自己喜歡的事，問到可會讓女兒繼承其模特兒衣缽？她笑說：「應該唔會，因為老公唔想佢性感，我嗰陣做model都係為咗賺錢養家。」她又表示女兒出世後，成為其生命中最重要的人，地位已經超越了老公，笑言老公也呷醋，不過夫婦二人仍積極追B，目標是生多一個陪囡囡。

採：Ada Lam

攝：劉智源