戚美珍有腰患開騷大計告吹

藝人戚美珍前晚為賈思樂的演唱會擔任嘉賓，問到她可會開個唱？她坦言去年有導演朋友找她於今年5月初開騷，但因她患腰椎間盤凸出，無奈令計劃告吹：「本身已經應承咗人，好彩我發現o既時候仲早，叫佢快啲畀番個期人。我之前都攞咗好耐拐杖，依家唔使，我最嚴重係企喺度一、兩分鐘一定要坐，坐咗幾分鐘又要企，又會覺得麻痹，好麻煩！」她指日前與老公苗僑偉齊齊去區瑞強演唱會做嘉賓，該導演朋友見她康復不少，所以再次邀請她開騷：「佢話我依家好番，排10月都排到喎，我話唔好啦，畀我睇多兩個月，睇吓係咪真係穩定，我依家仲做緊物理治療。」