賈思樂答謝知音被當白撞

入行40周年的賈思樂（Louie）前晚假尖沙咀文化中心舉行《賈思樂ME & MY GIRLS in Concert 2017》，首場的嘉賓有王馨平（Linda）、黎瑞恩、羅敏莊、戚美珍及林漪娸，羅敏莊更與囡囡陳禛穿母女裝上台，與Louie合唱《三人行》。Louie在台上笑言30年前曾推出過一首歌《我的心向着你》，可惜多年來沒有人再唱：「有我唱就冇人唱，到今年年頭，喺卡拉OK度有個人唱呢首歌，我好驚喜，我同佢講『多謝你唱我嘅歌』，佢望住我講『呢隻歌唔係賈思樂嘅咩？』，我當時想鍊死佢！」

王馨平預告個唱有驚喜

擔任嘉賓的Linda表示為了在台上與Louie拿結他自彈自唱，之前與老公去馬爾代夫旅行時，亦帶着結他同行練習。問到可有彈情歌給老公聽？她說：「有，第一隻學就係我哋兩個都好鍾意o既英文情歌，嗰隻歌依家我好拿手！（老公好冧？）冇，其實佢都識結他，但佢冇教我，因為佢十幾歲學，放低咗好耐，我依家應該叻佢啲啲！」她又指希望今年能在港開個唱，成事的話一定會再彈結他，又笑言服裝會大膽過她之前在《博愛歡樂傳萬家》中穿的開胸衫：「上次好小意思啫，如果自己演唱會，一定會再大膽啲，講笑啫，但着衫方面都希望畀到驚喜大家。」

羅敏莊與老公陳國邦及女兒陳禛一家三口齊來撐Louie。	黎瑞恩喜獲女兒大讚新歌好聽。	王馨平只學了結他半年，上台自彈自唱時依然緊張。

黎瑞恩停工陪仔女

而黎瑞恩透露在澳洲讀書的女兒快將放假回港，兒子亦開始放暑假，所以完成演出後會停工陪子女。提到之前與泳兒推出歌頌母愛的《搖籃曲》，她表示獲女兒讚好聽：「係第一次，佢通常話OK啦，淨係讚啲韓星嘅歌。同埋好搞笑，佢好似我哋細個咁抄歌詞，跟住畀我睇，原來咁樣對佢中文有幫助，因為佢去到外國唔會寫中文。」

文：音樂組　

攝：李柏儒