藝人何佩瑜約滿經理人公司後，將於電影《辣警霸王花2》升呢女一，為應付大量動作及揸槍場面，她積極操練，問到有否受傷，她說：「好擔心即將練習鎖頸動作時會唔小心整親對手，劇組又諗緊係咪要送我去菲律賓學揸真槍添！（冇公司一身輕？）自由啲，但要主動啲去爭取工作。」她又將首次接拍劇集，參演邵氏網劇《飛虎極戰》與吳卓羲飾演一對。