胡諾言有心有力 長氣跑男
一身鋼條身形的藝人胡諾言於今年馬拉松賽事錄得不俗成績，激發他有使命感去練好跑步！原來胡仔於中學時期已開始跑步生涯，但只為強身健體，未有特別參加公開比賽，至幾年前於圈中找到幾位知音人，如陳山聰、袁偉豪、胡定欣、胡蓓蔚（豹嫂）等，結果三年前終於成立Crazy Runner隊伍，於不用開工的日子，大夥兒會相約一起練跑。
胡仔說：「要約得晒咁齊人就冇可能，因為要開工冇辦法，所以有時都各自各跑，一星期各自練跑一至兩次，之後將自己時間放去電話群組，呢個舉動係鞭策大家唔好停呢樣嘢，到參加全馬、半馬都唔會有問題，咁多個成員入面，我同陳山聰夾最多，其他隊員相對少啲，女仔就豹嫂最勤力同有心，其他人要開工就冇辦法，通常我哋練都係跑上斜、落斜，又有喺郊區練習吓！」
