陳柏宇自洩床照 趕製Baby

將於7月2日在香港結婚的陳柏宇（Janson）及符曉薇（Leanne），早前遠赴倫敦拍攝Pre-wedding照片，二人未有穿婚紗禮服，以潮爆便服上陣，相中一對準新人甜蜜滿瀉，Jason上載婚照跟Fans開心Share，更幽默地留言：「注意：觀賞圖片前，請先佩戴上太陽眼鏡。」

兩口子選於機舖、公園及超級市場等地方取景，最搞鬼是在超市女前男後大玩「推車」，更影到「上床」，玩味十足！Jason說：「平時我唔鍾意扮Chok，所以Pre-wedding啲相都想營造自然嘅氣氛，依家啲相出嚟嘅表達方式，都係我哋兩個最鍾意嘅。」二人也有到倫敦眼摩天輪、大笨鐘等地標前留影。

兩口子亦有甜到漏的親密照，難怪陳柏宇提醒Fans「防閃」。	一對準新人踩入超市玩推車，童心未泯。	陳柏宇與未婚妻攬到入車站，夠晒貼地。

同居多年唔緊張

整個拍攝過程共花了兩天，其餘時間，二人跟一班工作人員吃喝玩樂，但原來Leanne沿途一直憂心忡忡，她說：「今次遇到好多困難，首先出發前，工作人員嗰6張機票突然全被取消，但冇人通知我哋，花咗好多時間處理；喺旅程途中又發現回程嘅機票多咗由香港去新加坡一段，如果冇取消，行李就會直飛新加坡，好彩最後搞掂！」談及待嫁心情，她表示二人已共同生活多年，加上很多朋友及Jason公司的同事幫忙，感覺輕鬆：「可能到時先識緊張！」

而Jason則表示開心又期待：「依家要兼顧工作同準備工夫，但忙得好開心，我都好期待婚後嘅生活，因為我哋都希望生小朋友，婚後我哋會即刻嘗試，希望明年就有個靚B同大家見面啦！」

文：音樂組